1:51 PM Ռաֆայել Բենիտեսը երեք տարվա պայմանագիր կնքեց «Ռեալի» հետ | |
Ռաֆայել Բենիտեսը երեք տարվա պայմանագիր է կնքել Մադրիդի «Ռեալի» հետ, հաղորդում է AS-ը: Իսպանացի մասնագետն Արքայական ակումբում կստանա տարեկան 4 միլիոն եվրո աշխատավարձ: «Ռեալի» գլխավոր մարզիչի պաշտոնում Բենիտեսի շնորհանդեսը տեղի կունենա հունիսի 3-ին: Պաշտոնից հեռացված Կարլո Անչելոտին ստանում էր տարեկան 7.5 միլիոն եվրո: Բենիտեսը մարզչական կարիերան սկսել է «Ռեալի» երիտասարդական թիմում՝ 1989-ին: Արքայական ակումբի համակարգում աշխատել է մինչեւ 1995 թվականը, որից հետո գլխավորել է «Վալյադոլիդը», «Օսասունան», «Էստրեմադուրան», «Տեներիֆեն», «Վալենսիան», «Լիվերպուլը», Միլանի «Ինտերը», «Չելսին»: Բենիտեսը «Վալենսիայի» հետ դարձել է Իսպանիայի կրկնակի չեմպիոն, ՈւԵՖԱ-ի գավաթակիր, «Լիվերպուլի» հետ՝ Անգլիայի գավաթակիր, սուպերգավաթակիր, Չեմպիոնների լիգայի գավաթակիր, Եվրոպայի սուպերգավաթակիր, «Ինտերի» հետ՝ Իտալիայի սուպերգավաթակիր, աշխարհի ակումբային չեմպիոն, «Չելսիի» հետ՝ Եվրոպայի լիգայի հաղթող: 55-ամյա մարզիչը 2013-ից գլխավորում էր «Նապոլին», որի հետ դարձել է Իտալիայի գավաթակիր եւ սուպերգավաթակիր: | |
|
Մեկնաբանություններն ընդամենը՝: 0 | |